Khutbah Jumat Bahasa Minang: Batobaik dari Sagalo Doso

Setiap manusia tidak pernah luput dari salah dan dosa. Jalan terbaik yang harus ditempuh oleh orang yang berlumur dosa adalah bertobat kepada Allah Swt. Tobat merupakan bentuk penyesalan seorang hamba kepada Allah Swt atas segala bentuk kesalahan dan dosa yang pernah dia perbuat. Dalam bertobat kita mesti melakukannya dengan sungguh-sungguh, yaitu dengan menyesali dosa yang pernah diperbuat serta bertekad tidak akan mengulanginya di kemudian hari.

 

Teks khutbah Jumat berikut ini mengajak kepada para jamaah untuk tidak berputus asa dalam berdoa. Adapun  tema khutbah adalah “Khutbah Jumat Bahasa Minang; Batobaik dari Sagalo Doso”.

 

Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat.

 

Khutbah I

 

اَلْحَمْدُ لِلّٰهِ ذِي الْجَلَالِ وَالْإِكْرَامِ، الَّذِيْ أَعَزَّنَا بِالْإِسْلَامِ، وَأَكْرَمَنَا بِالْإِيْمَانِ، وَنَوَّرَ قُلُوْبَنَا بِالْقُرْاٰنِ، أَشْهَدُ أَنْ لَا اِلَهَ إِلَّا الله وَحْدَهُ لا شَرِيك لَه، ذُو اْلجَلالِ وَالإكْرام، وَأَشْهَدُ أَنّ سَيِّدَنَا وَنَبِيَّنَا مُحَمَّدًا عَبْدُهُ وَ رَسولُه. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى أٰلِهِ وَصَحْبِهِ وَمَنْ وَالاَهُ

 

أَمَّابَعْدُ؛ فَيَآ أَيُّهَا النَّاسُ، اتَّقُوا اللهَ حَقَّ تَقْوَاهُ كَمَا قَالَ تَعَالَى: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

قَالَ اللهُ تَعَالَى فِي كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ، يٰٓاَيُّهَا الَّذِيْنَ اٰمَنُوْا تُوْبُوْٓا اِلَى اللّٰهِ تَوْبَةً نَّصُوْحًاۗ. صَدَقَ اللهُ الْعَظِيْمِ

 

Kaum muslimin wal muslimat sidang jamaah Jumaik nan dimuliakan dek Allah SWT
Awal kalam bamulo kato, tiado kato nan patuik taucap di lisan kito, tiado syair nan labiah indah untuak kito dendangkan, malainkan mamuji dan mamuja Allah SWT. Kareno barakaik rahmat jo karunia Baliau, kito bisa malakukan aktivitas sahari-sahari. Ado nan ka parak, ado nan manggaleh dan ado pulo nan karajo di kantua.

 

Namun Allah agiah nikmaik lain kapado kito basamo, yaitu nikmaik kaimanan, sahinggo tagarak hati kito untuak mamanuahi panggilan Alllah untuak manunaikan ibadah Jumaik sacaro bajamaah. Tantangan  pado itu kaum muslimin, marilah kito basamo-samo basyukur mangucapkan alhamdulillahirabbil’alamiin, sagalo puji hanyo untuak Allah SWT.

 

Kamudian dari pado itu kaum muslimin, shalawaik barangkaikan salam, marilah sanantiaso kito basalawaik kapado junjungan alam, yaitu Nabi Muhammad SAW. Allaahumma shalli ‘alaa sayyidina Muhammad wa ‘ala aali sayyidinaa Muhammad. Kito samo-samo baharap dangan salawaik nan salalu mambasahi lidah jo bibia kito, mudah-mudahan kito dinobaikkan sabagai umaik nan barhak mandapek syafaat baliau di yaumil qiyamah nanti.

 

Kaum muslimin, khatib indak akan bosan-bosan mangajak kaum muslimin dan kaum muslimat, tarutamo kapado diri khatib pribadi, untuak sanantiaso maningkekkan katakwaan kito kapado Allah SWT. Yaitu dengan caro mangarajokan sagalo parintah dari Allah SWT dan maninggalkan sagalo bantuak larangan Baliau.

 

Kaum muslimin wal muslimat sidang jamaah Jumaik nan dimuliakan dek Allah SWT
Sabagai manusia, kito indak kan lapeh dari nan namonyo kasalahan. Disadari ataupun indak, tiok-tiok awak ko kaum muslimin pasti punyo salah. Baiak itu salah kapado Allah Swt ataupun salah kapado sasamo manusia. Hal iko alah dijalehkan dek Nabi Saw dalam sabdanyo nan babaunyi:

 

كُلُّ ابْنِ آدَمَ خَطَّاءٌ وَخَيْرُ الْخَطَّائِينَ ‌التَّوَّابُونَ

 

“Satiok anak cucu Nabi Adam pasti punyo salah, dan sabaiak-baiak urang nan basalah itu adolah nan lai namuah batobaik kapado Allah Swt.” (HR. Tirmidzi)

 

Malalui hadis ko kaum muslimin, Rasulullah Saw maingek.an awak basamo bahwasonyo kito ko pasti punyo salah. Lalu jalan nan paliang rancak ditampuah dek urang basalah adolah jo caro batobaik kapado Allah Swt.

 

Di sampiang itu kaum muslimin, para ulama alah maingek.an pulo pakaro iko bahwa alasan dari namo awak sabagai manusia atau an-Nas adolah karno kito acok lupo jo gawa. Ulama mangatokan:

 

لَا يُسَمَّى الْإِنْسَانُ بِالْإِنْسَانِ إِلَّا بِنِسْيَانِهِ

 

“Indak dinamokan manusia jo manusia malainkan karno sipaik luponyo”

 

Indak cukuik disitu kaum muslimin, urang tuo kito di Minangkabau pun alah maingekkan kito pakaro sipaik salah nan indak bisa lapeh dari badan kito ko. Sahinggo banyak lah kito mandanga pituah dalam Minang barikuik:

 

“Alam basipaik gawa, manusia basipaik khilaf, kok tasuo khilaf jo khilafaik nak babari suko jo rela.”

 

Kaum muslimin sidang jamaah Jumaik nan dimuliakan Allah Swt
Kalau kito inuak manuangi hadis hadis Nabi Saw tadi, mako kito akan tau kalau jalan tabaik nan harus kito tampuah manambuih kasalahan kito basamo tu adolah jo caro batobaik kapado Allah Swt. Allah Swt acok kali manyuruah kito untuak batobaik kapado Baliau Nan Maha Kuaso. Diantaronyo Allah Swt bafirman dalam surek an-Nur ayaik 31:

 

وَتُوْبُوْٓا اِلَى اللّٰهِ جَمِيْعًا اَيُّهَ الْمُؤْمِنُوْنَ لَعَلَّكُمْ تُفْلِحُوْنَ

 

“Dan batobaiklah kalian kasadonyo kapado Allah Swt wahai urang-urang nan baiman, mudah-mudahan kalian manjadi urang nan baruntuang.”

 

Imam Fakhruddin ar-Razi dalam tafsirnyo Mafatih al-Ghaib manjalehkan bahwasonyo taubaik nan disabuikkan dalam ayaik ko mampunyoi duo makna:

 

1. Bahwasonyo hamba nan lamah indak akan talok mamatuahi kasado taklif nan dibabankan kapadonyo, walaupun nyo alah basungguh-sungguah dalam mamatuahinyo. Mako dek karno itu Allah pituahkan kapado sado alah urang mukmin untuak batobaik jo istigfar.

 

2. Manuruik Ibnu Abbas a.s. ayaik iko manyuruah urang manusia batobaik jo a nan dilakukannyo di maso jahiliyah dulu. Sabagian ulama mangatokan sasungguahnyo urang babuek doso lalu nyo batobaik, mako harus bagi urang tu katiko ingek akan doso nan lah nyo lakukan untuak mampabaharui tobaiknyo, karno urang nan badoso harus sanantiaso manyasali doso-dosonyo sampai batamu jo Allah Swt.

 

Kaum muslimin sidang jamaah Jumaik nan diberkahi Allah Swt
Sacaro umum, panjalehan dari Imam Fakhruddin Ar-Razi ko maingekkan kito untuak sanantiaso batobaik kapado Allah Swt. Walaupun kito tagolong urang nan jarang bana babuek doso, tapi mampaharui tobaik sanantiaso harus kito lakukan sampai nyao bapisah jo badan. Hal iko baguno sabagai pangingek bagi kito untuak indak tajatuah baliak ka doso-doso nan samo nan dulu kito karajokan.

 

Di sampiang itu kaum muslimin, indak kah malu kito basamo jo Nabi Saw nan mampabanyak isitgfar di satiok wukatu. Sadangkan Nabi Saw alah dijamin masuak sarugo dek Allah Swt. Tapi baliau indak pernah baranti untuak istigfar kapado Allah Swt. Hal iko sabagaimo dijalehkan dalam sabdanyo nan babunyi:

 

يَا أَيُّهَا النَّاسُ تُوبُوا إِلَى اللهِ ‌فَإِنِّي ‌أَتُوبُ فِي الْيَوْمِ إِلَيْهِ مِائَةَ مَرَّةٍ

 

“Wahai manusia, batobaiklah kalian kapado Allah,  karno sasungguahnyo ambo batobaik kapado Baliau saratuih kali dalam sahari.” (HR. Muslim)

 

Kaum muslimin sidang jamaah Jumaik nan dimuliakan Allah Swt
Lalu tibo tanyo dek kito basamo, kanapo Nabi Saw sanantiaso istigfar kapado Allah Swt samantaro baliau alah dijamin masuk sarugo dan aman dari azab Nan Maha Kuaso? Di sampiang itu dalam akidah kito diajarkan bahwasonyo Nabi Saw itu maksum atau tajago dari sagalo doso. Untuak manjawek tanyo iko, kito paralu mancaliak panjalehan dari Imam Nawawi satantang hadis ko. Imam Nawawi manjalehan dalam kitabnyo al-Minhaj ‘Ala Syarh Muslim sabagai barikuik:

 

وَيَكُونُ اسْتِغْفَارُهُ إِظْهَارًا لِلْعُبُودِيَّةِ وَالِافْتِقَارِ وَمُلَازَمَةِ الْخُشُوعِ وَشُكْرًا لِمَا أَوْلَاهُ وَقَدْ قَالَ الْمُحَاشِيُّ خَوْفُ الْأَنْبِيَاءِ وَالْمَلَائِكَةِ خَوْفُ إِعْظَامٍ وَإِنْ كَانُوا آمِنِينَ عَذَابَ اللَّهِ تَعَالَى

 

“Dan makna isitigfarnyo Nabi Saw itu adolah untuak manunjuakkan penghambaan, raso butuah, mamaliharo raso khusyuak, dan sabagai bantuak raso syukur ateh apo nan alah Allah barikan. Imam al-Muhasyi sungguah alah bakato, ‘raso takuik para Nabi dan Malaikaik adolah bantuak takuik maaguangkan Allah Swt walaupun mereka aman dari azab Allah Swt.”

 

Kaum muslimin sidang jamaah Jumaik nan babahagia
Taubaik marupokan bantuak panyasalan kito ateh doso nan alah kito pabuek salamo ko. Dalam malukakan tobaik, Allah Swt manyuruah kito untuak batobaik jo sungguah-sungguah. Bukan mode tobaik samba lado. Kini maraso manyasa, tapi bisuak diulangi baliak. Tantu hal iko sangaik lah indak elok. Allah Swt dalam surek at-Tahrim ayaik 8 nan babunyi:

 

يٰٓاَيُّهَا الَّذِيْنَ اٰمَنُوْا تُوْبُوْٓا اِلَى اللّٰهِ تَوْبَةً نَّصُوْحًاۗ

 

“Wahai urang-urang nan baiman batobaik lah kalian kapado Allah Swt jo tobaik nasuha (sabana-bana batobaik).”

 

Kaum muslimin sidang jamaah Jumaik nan dirahmati Allah Swt
Imam Ibnu ‘Asyur dalam tafsirnyo al-Tahrir wa al-Tanwir manyabuikkan bahwasonyo mukasuik dari tobaik nasuha ko sabagai barikuik:

 

والمَعْنى تَوْبَةً تَنْصَحُ صاحِبَها بِتَرْكِ العَوْدِ إلى ما تابَ مِنهُ

 

“Dan mukasuik dari tobaik nasuha itu adolah tobaik nan bisa manasehati urang nan batobaik untuak indak baliak ka doso nan alah nyo lakukan.”

 

Jadi, jikok kito tobaik kito alah mambaok kito untuak manjauahi doso nan pernah awak karajokan, mako katiko itulah baru kito bisa dikatokan batobaik nasuha. Kalau indak, itu samo ajo tobaik samba lado. Di sampiang itu, kito haruslah yobana mamintak kapado Allah untuak manarimo tobaik kito. Dek karno itu, kito paralu tau apo rukun tobaik sahinggo tobaik kito  ditarimo dek Allah Swt.

 

Imam al-Qusyairi dalam kitabnyo ar-Risalah al-Qusyairiyah manjalehkan ado 3 hal nan manjadi syaraik tobaik kito bisa ditarimo dek Allah Swt, yaitu:

 
شَرْطُ التَّوْبَةِ حَتَّى تَصِحُّ ثَلَاَثةُ اَشْيَاءَ: النَّدَمُ عَلَى مَا عَمِلَ مِنَ الْمُخَالَفَاتِ، وَ تَرْكُ الزُلَّة ِفِي الْحَالِ،  وَ الْعَزْمُ عَلَى أَنْ لَا يَعُوْدُ إِلَى مِثْلِ مَا عَمِلَ مِنَ الْمَعَاصِي. فَهَذِهِ الْأَرْكَانُ لَا بُدَّ مِنْهَا، حَتَّى تَصِحُّ تَوْبَتُهُ

 

“Syaraik sah tobaik ado tigo; manyasali sagalo salah nan pernah dipabuek, maninggakan doso itu sakatiko itu langsuang, dan batekaik untuak indak akan baliak mangarajokan maksiaik nan dulu dipabuek. Mako iko lah rukun-rukun tobaik nan paralu dipanuahi sahinggo tobaik manjadi sah.”

 

Kaum muslimin sidang jamaah Jumaik nan dimuliakan dek Allah Swt.
Di akhia katubah ko, khatib sakali lai ingin maingekkan kito basamo bahwasonyo kito sabagai manusia pasti punyo salah jo doso. Mako ka jadi ubek atau panambuih dari doso nan kito pabuek, kito haruslah batobaik kapado Allah Swt. Di sampiang itu, kito haruslah mamanuahi saraik sah nyo tobaik supayo tobaik kito ditarimo dek Allah Swt. Yaitu manyasali sagalo salah nan pernah dipabuek, maninggakan doso itu sakatiko itu langsuang, dan batekaik untuak indak akan baliak mangarajokan maksiaik nan dulu dipabuek.

 

Damikianlah khutbah kito pado saat kini, mudah-mudahan iko bisa manjadi bahan ranuangan dek kito basamo. Mudah-mudahan sagalo doso nan alah kito dipabuek diampuni dek Allah Swt dan tobaik nan kito lakukan ditarimo dek Allah Swt. Aamiin Yaa Rabbal ‘aalamiin.

 

بَارَكَ اللهُ لِي وَلَكُمْ فِي الْقُرْآنِ الْعَظِيْمِ وَنَفَعَنِي وَاِيِّاكُمْ بما فيه مِنَ الآيَاتِ وَالذِّكْرِ الْحَكِيْمِ. وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ.. فَاسْتَغْفِرُوْا اِنَّهُ هُوَ اْلغَفُوْرُ الرَّحِيْمُ

 

Khutbah II

 

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ. فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا

 

 اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ

 

 اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيّن وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَأَعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَن وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ

 

 رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ

 

 عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ

 

Ustadz Abdul Kamil, Alumnus Darus-Sunnah Ciputat dan Pegiat Kaji Surau.